Retainr Ops نظام إدارة وكالات التسويق
سوّينا Retainr Ops عشان تدير وكالتك بالطريقة اللي فعلاً تشتغل فيها الوكالات بالكويت: العملاء والعقود الشهرية وساعات العمل والرواتب والفواتير والحسابات كلها بمكان واحد، وبالدينار.
مكان واحد بدال سبع أدوات.
العملاء والعقود
كل عميل مع عقده الشهري وجهات الاتصال وتاريخه. وعروض الأسعار توصل للعميل كرابط يقراه ويوافق عليه.
الساعات والميزانيات
الفريق يسجّل ساعاته على العملاء والحملات، فتعرف أي عقد يربّح وأي عقد ينزف.
الفواتير والإيصالات
فوتر على الشغل اللي انسوى، سجّل اللي انقبض، وشوف المتأخر بنظرة.
الرواتب مع التأمينات
الرواتب والاستقطاعات، والتأمينات (PIFSS) محسوبة للموظفين الكويتيين مع ملخص سنوي جاهز للتقديم.
الحسابات والتقارير
دفتر أستاذ بقيد مزدوج حقيقي، مع تقارير ومؤشرات يثق فيها المحاسب والفريق.
الفعاليات والبيع
مشاريع الفعاليات تنفوتر حسب المراحل، ومنتجات ومخزون وطلبات للوكالات اللي تبيع بعد.
أسعار بالدينار، وعلى الواضح.
سعر أساسي يشمل عدد من الأشخاص، وبعدها رسوم بسيطة لكل شخص زيادة. ادفع سنوي وخذ شهرين مجاناً.
الدفع مو مفعّل للحين: كل المميزات مجانية خلال فترة الإطلاق المبكر، وبدون بطاقة.
Starter
يشمل 3 أشخاص، لحد 5 (4 د.ك لكل شخص زيادة). لحد 25 عميل.
Pro
يشمل 8 أشخاص، وبعدها 3 د.ك للشخص. عملاء بلا حد، فعاليات، وبدون شعار Retainr.
Business
يشمل 20 شخص، لحد 50 (2.5 د.ك للشخص). كل اللي في Pro، مع البيع والمخزون ونقاط البيع والـAPI.
Scale
50 شخص وأكثر. كل شي بلا حدود، ونجهّزه معاك.
تبينا نجهّزه لك؟
ننقل عملاءك وموظفينك والأرصدة الافتتاحية، وندرّب الفريق، عشان تبدأ من أول يوم بأرقام حقيقية.